Chris van der Westhuizen

Van drome na die werklikheid gebring
Uiteind'lik kan ons twee weer sing,
Ons het besef dit was verniet
Soos ys en vuur wat aswater giet.

Baie verskille het ons tog gehad
Gedink ons sal daaroor beraad,
Maar die werklikheid het ons vertel
Vir mekaar maak ons die lewe hel.

Uiteind'lik het ons tot 'n besef gekom
Die wyser tik al om en om,
Op die lang termyn het ons geleer
Vriendskap beteken baie meer.

                              Chris M. v/d Westhuizen '96