Chris van der Westhuizen

Gedigte en Gedagtes

Besoekers - Totaal: 79828

Liefde Oorwin!

My hart is vrolik, ja opgeruimd,
ek jubel met lofsange tot my God.
Vrees kan nie 'n houvas kry,
my hart is vol Liefde en waarlik vry!

Vir almal wens ek altyd wel
al maak iemand soms my lewe hel.
Al word ek beledig en seergemaak,
sal niks my selfbeeld kan afkraak.
Want liefde kies ek om te bly
wat my van alle vrees bevry.

Wat ek is, is net genade.
Wat ek het, is net geleen.
My hart behoort net aan my Here,
kyk net hoe hy my seën.
Uit dankbaarheid het ek geen beswaar,
Ek sal my hart bewaar.

'n Opdrag is aan ons gegee
om vyande waarlik lief te hê.
Al sou hulle jou hart laat ween,
moet jy hulle nogtans seën.
Al sou hulle jou opstandig maak,
besluit om oor jou woorde te waak.
Vergelding sal jou hart net skaad.
Glo my! Ek weet waarvan ek praat.

Stel die liefde op die proef,
God sal dan jou hart besny.
Sy Gees sal jou dan leer en lei,
om volkome in die lig te leef.
Jy sal dan ook jubel en sing
van Liefde wat oorwinning bring!

                              Chris M. v/d Westhuizen '2017

 

Lys van Gedigte